قال: وش تعني ( قطري ) لك انت؟؟؟

 

ياجاهل المعنى تعلم

قطر تعني الفخر لكل من فيها انولد

وضيف المعنى لمعلوماتك

 

وخير الأنام نبي الكون هو احمد

لبسه كان ثوب ( قطري )

تنسجه سمر الزنود مو اي حد

 

قطر .. تعني شموخ ومجد

قطر .. تعني الفخر والجد

قطر ارض وسما عشقٍ بصدري يتوهج

هذي قطر

 

والحين

تبي تعرف وش تعني ( قطري )؟؟ !!!

قطري

تعني

 

( عشق السمج للماي .. عشق النحل للورد )

انا قطري

 

والد وجد

غصبٍ على كل منْ جحد

دام جدي وجده ماتوا بها الارض

انا بعد

 

 

للباري اللي على كل شيٍ شهد

وصيتي

 

 

  

                                                       

 

                    

 

 

من مواني الليل لعيونك سريت
ودمعتي تحلف علي أهلها
كم بكيت بداخلي لو مابكيت
كبرت همومي وقلبي شلها
كم تناسيتك ولكن مانسيت
لو تغيب الشمس يبقى ظلها
بأنتهي بك مثل مافيك أبتديت
وماسوت عزة زماني وذلها

 

 

علي تغار من أمي وأبوي وضمّة أخــواني
تموت من القهر لا قلت : شوف فلان يازينه !
وأنا أهون علي آموت لو فكرت تنســاني
وأقول الكون باللـي فيه قلبك بيني وبينه
غريبه كيــف ترضاها أكون لواحد ثانــي
وأنا مارضـى أبد غيـرك تلامس كفي يدينه
ابسأل كـيف تنفـيني وقلبك كل [ أوطاني ]
غريب يموت بترابك وتسكن في شرايينه

 

 

 

عرفت الناس والدنيا وطريقي
وعرفت أن الهوى كذب وأماني!
خذاني الشوق والحب الحقيقي
لذاك اللي عقب وده جفاني!
نساني للأسف في عز ضيقي
وأنا في غمرة جراحي أعاني!
لقيته في هوى غيري غريق
تنكر من هواي ومن حناني!!!

 

 

 

  

حسايف كيف صار الحب في دنيا الشقا معدوم
حسايف وين راح الحب حسايف وين وداني
اذا باقي بهالدنيا سواليف وبقايا علوم
أنا برجوك تتركها ولا تزود بها أحزانــي
تعودنا على الغربة وكل اللي جرى مقسوم
دخيل الحب وأيامك دخيلك لا تحراني
عذاب الحب كوم وما حصل لي في هواكم كوم
تشوف أحزان هالعالم تراها ربع ماجاني

  

 

 

^_^

بوي بوي